Insta Skinny Up 40

Insta Skinny Up 40 спаѓа во групни програми за исхрана.
-Групните програми за исхрана претставуваат готови програми за исхрана, креирани за постигнување на одредена цел (слабеење, здрав начин на исхрана итн.). Менијата за исхрана во овие програми се исти за сите учесници, но постојат правила за замени и модификации во рамките на програмата, и индивидуални насоки и совети. Во програмата е вклучена и моја поддршка, следење и консултации со мене, во периодот додека трае програмата. Групните програми за исхрана не се отворени постојано, и на нив можете да се пријавите само во термините во кои се отворени за пријавување.

Што претставува Insta Skinny up 40 ?
-Оваа програма претставува 40 дневна програма со исхрана за слабеење. Менито во оваа програма не е многу рестриктивно, се состои од три оброци и една до две ужини по потреба. Во програмата е вклучен и рецепт за секој оброк.

За кого е наменета Insta Skinny Up 40?
-За сите кои имаат вишок на телесна маса, а притоа немаат посериозни и неисконтролирани здравствени проблеми. Доколку некој има здравствен проблем кој може да се менаџира или барем да се подобри со соодветна исхрана и тоа му е примарната цел, тогаш препорачувам да изберете индивидуална програма за исхрана, наместо групна програма за слабеење.

Што добивате во програмата?
40 дневна програма за исхрана со правила, совети за слабеење и 40 дневно мени со рецепти (3 оброци и предлог ужини).